Skip to content

Karfan mín

Karfan þín er tóm

Grein: ChitoCare beauty Hair, Skin & Nails – Vísindalega sönnuð virkni

ChitoCare beauty  Hair, Skin & Nails – Vísindalega sönnuð virkni

ChitoCare beauty Hair, Skin & Nails – Vísindalega sönnuð virkni

ChitoCare beauty Hair, Skin & Nails – Vísindalega sönnuð virkni

 

ChitoCare Beauty Hair, Skin & Nails er byltingarkennd lífvirk formúla, auðug af náttúrulegum næringarefnum sem gegna mikilvægu hlutverki til að viðhalda heilbrigði hárs, húðar og nagla.

 

Afhverju virkar ChitoCare beauty Hair, Skin & Nails svona vel?

Húðöldrun verður þegar raki, endurnýjun og andoxunargeta húðarinnar minnka, ásamt viðvarandi áreiti og streitu. 

Þessi sérvalda blanda náttúrulegra innihaldsefna nærir húðina innanfrá, styrkir og hvetur til náttúrulegrar húðviðgerðar.

 

Mikið rannsökuð hágæða innihaldsefni 

ChitoCare® beauty Hair, Skin & Nails (HSN) hefur verið þróað með þekkingu og rannsóknir í fyrirrúmi. Val innihaldsefna var sérstaklega vandað til þess að hámarka virkni en lágmarka magn sem þarf að innbyrða daglega. Samkvæmt áliti EFSA* (Matvælastofnunar Evrópu) eru leyfilegar heilsufullyrðingar fyrir vítamín C, zink og selen (sjá Heiti á skýrslu (mast.is)) en þau næringarefni voru valin í okkar HSN blöndu samkvæmt ráðlögðum dagskammti. Vítamín C stuðlar m.a. að eðlilegri myndun kollagens fyrir eðlilega starfsemi húðar.* Sink hefur hlutverki að gegna við frumuskiptingu og stuðlar að eðlilegri prótínmyndun ásamt viðhaldi eðlilegrar húðar.* Sink og selen stuðla að viðhaldi eðlilegra nagla og eðlilegs hárs.* Vítamín C, selen og sink stuðla að því að verja frumur fyrir oxunarálagi.* Einnig var stuðst við birtar rannsóknir við val og magn annarra mikilvægra næringarefna. Sýnt hefur verið fram á að kísill eykur þykkt húðarinnar ásamt því að hafa góð áhrif á hrukkur, hárþykkt og neglur ásamt teygjanleika og þéttleika húðar (1). Skrifað hefur verið um kosti kísils vegna jákvæðra eiginleika hans á uppbyggingu nagla, hárs og húðar sem og á myndun kollagens (2). Húðin okkar inniheldur kísil  sem byrjar að minnka frá 30 ára aldri því er mikilvægt að viðhalda daglegri inntöku kísils, sem fæst hér úr íslenskri náttúru. Að auki var íslenskt þörungaextrakt sem inniheldur ýmis steinefni valið því það er kalsíum ríkt og inniheldur magnesíum. Kalsíum stuðlar að eðlilegri starfsemi meltingarensíma og hefur hlutverki að gegna í frumuskiptinga- og sérhæfingarferlinu.* Einnig stuðlar magnesíum að eðlilegri prótínmyndun og hefur hlutverki að gegna við frumuskipti.*

Hvað gerir kollagen complex í ChitoCare beauty  Hair, Skin & Nails?

Þegar virkni kollagens var skoðað nánar kom í ljós að hýdrólýserað kollagen týpa II sem fæst úr brjóski fiska er mjög virkt efni og þarf því lítið magn til inntöku. Það inniheldur mikilvæg peptíð og amínó sýrur en einnig nauðsynleg byggingarefni líkamans og húðarinnar, þ.e.a.s. sérstök sykurprótín (glýkósamínóglýkans eða GAGs á ensku, og þ.m.t. hýalúrónsýru). GAGs eru mikilvægar fjölliður sem styðja við kollagen og elastín í húðinni og stuðla að góðu rakastigi. Nokkrar rannsóknir hafa metið virkni slíks kollagens eitt og sér eða með öðrum næringarefnum til að auka heilsu hárs, húðar og nagla og þykir það sérlega gott fyrir skaddaða húð af völdum sólbaða. Lassus o.fl. (3) rannsökuðu daglega inntöku kollagens týpu II (500 mg) í 90 daga meðal 10 kvenna með skaddaða húð eftir sólböð og niðurstaðan var aukin þykkt og teygjanleiki húðarinnar, minni hrukkur, húðblettir minna áberandi ásamt því að styrkja hár og neglur. Tvíblind stúdía mat virkni á kollagen blöndu með andoxunarefnum (alls 750 mg daglega í 8 vikur) meðal 30 kvenna og fékk marktækan mun á fínum línum, lit og þurrk á húð í virka hópnum (4). Okkar HSN rannsókn styður við þessar niðurstöður. En þessi virkni var staðfest með tvíblindri klíniskri rannsókn á 29 konum á Ítalíu s.l. haust eftir inntöku HSN eða lyfleysu í 12 vikur. Eftir HSN inntöku varð húðin rakari, teygjanlegri (p<0,05) og þéttari (p<0,01) samanborið við lyfleysuhópinn.  Einnig varð húðin marktækt stinnari (p<0,01) og teygjanlegri (p<0,05) í lok meðferðar miðað við upphafsmælingu.  Aukinn þéttleiki húðarinnar samsvaraði mælingum sem sýndu aukningu og endurskipulagningu á húðbyggingum eins og kollagentrefjum, frumum og önnur stuðningsefnum húðarinnar.

 

 

Fyrir tólf vikna meðferð með ChitoCare beauty Hair Skin & Nails

Eftir tólf vikna meðferð með ChitoCare beauty Hair Skin & Nails

Lífvirkar Liposantrefjar og GeoSilica

Í HSN formúlunni er líka kítósan, íslenskar og lífvirkar trefjar framleiddar með einkaleyfisvarinni aðferð til að mynda LipoSilica complex sem inniheldur GeoSilica með aukinni virkni. Rannsóknir sýna fram á að kítósan stuðli að bættri meltingu (5), hefur jákvæð áhrif á þarmaflóru með aukinni myndun stuttra fitusýra (SCFAs) og gefi þannig líkamanum meiri orku úr fæðunni og mikilvæg næringarefni (6). Nýlegar rannsóknir hafa einnig sýnt fram á áður óþekkta eiginleika kítósans, m.a. að það vinni gegn öldrun (7), auki þol (8 ) og andoxunarvirkni. Klínísk rannsókn sýndi að 540-mg inntaka í 8 vikur hjálpar til við að draga úr sindurefnum og eiturefnum í meltingarvegi og minnka þannig oxunarálag í líkamanum (9). Minna oxunarálag hefur jákvæð áhrif m.a. á heilbrigði hjartans, nýrna og annarra líffæra og góð andoxunarvirkni stuðlar að jafnvægi í líkamanum og hraðari myndun fruma. LipoSilica er því góð viðbót á andoxunarverndarkerfi líkamans.

Þróunin á ChitoCare® beauty Hair, Skin & Nails byggist á þessum vísindalegu upplýsingum og okkar klíníska rannsókn staðfestir virkni vörunnar sem og reynslusögur sem við höfum heyrt frá ánægðum notendum.

 

Heimildir:

1-Lassus A (1993) J. Int. Med. Res. 21: 209-15.

2-Martin KR (2013) Met. Ions Life Sci. 13: 451-73.

3-Lassus A et al.  (1991) J. Int. Med. Res. 19: 147-52.

4-Rigano L et al. (2001) J. Appl. Cosmetol. 19: 75-81.

5-Rodriguez MS, Albertengo LE (2005) Biosci. Biotechnol. Biochem. 69(11): 2057-62.

6-Terada A et al. (1995) Microb. Ecol. Health Dis. 8: 15-21.

7-Anandan R et al. (2013) Cell Stress & Chaperones 18(1): 121-5.

8-Jeong HW et al. (2012) PLoS ONE 7(7): e40073.

9-Anraku M et al. (2011) Carb. Polym. 83: 501-5.

 

 

Read more

Fegurðin kemur innanfrá - ChitoCare beauty Hair, Skin & Nails

Fegurðin kemur innanfrá - ChitoCare beauty Hair, Skin & Nails

  Hárið okkar og neglur eiga það til að þynnast og húðin fær á sig gráma og verður þreytt. Þessar breytingar geta orsakast af mörgum ástæðum eins og hækkandi aldur eða önnur umhverfisáhrif eins og ...

Lesa meira